Toyuqla Parça-Döşəmə Plov

22-12-2012, 18:19 Müəllif: aylina Baxılıb: 493 Şərhlər: 8
   
Toyuqla Parça-Döşəmə Plov


Parça-döşəmə plov qoyun əti və toyuqla hazırlana bilər. Parça-döşəmənin altında qazmaq olmalıdır, və qazmağın ardından digər ərzaqlar qat-qat qazana yığılmalıdır. Burada gördüyünüz reseptdə isə qazmaq yoxdur - qazmağın yerinə qazanın dibinə toyuq əti döşənir, onun üstündən isə düyü və quru meyvələr. Tələsik Azərbaycan-sayağı bir plov bişirmək istəyirsinizsə, bir qədər asanlaşdırılmış bu parça-döşəmə plovunun resepti sizin lap ürəyinizcə olacaq.

TOYUQLA PARÇA-DÖŞƏMƏ PLOV

4-6 porsiya üçün nəzərdə tutulub
Ərzaqlar
3 stəkan uzun düyü
4 xörək qaşığı ərinmiş kərə yağı
1 stəkan təmizlənmiş şabalıd
½ stəkan quru ərik
1 stəkan quru gavalı (çəkirdəyini çıxarda bilərsinizsə, məsləhətdir)
½ cup quru İran xurması (çəkirdəyini çıxarda bilərsinizsə, məsləhətdir)
½ stəkan ağ kişmiş
1 kilo kiçik parçalara bölünmüş sümüksüz toyuq əti (istəyə görə sümüklü də ola bilər)
1 ədəd baş soğan - nazik yarımhalqalar şəklində doğrayın
1/3 çay qaşığı zəfəran teli - döyülmüş və 3 xörək qaşığı qaynar suda həll olunmuş
duz
istiot


1. Düyünü təmizləyin, və ilıq suyun altında tez-tez süzə-süzə yaxşıca yuyun. Bu proses zəruridir, çünki su düyüdəkı nişastanı yuyub aparır və bu da düyünün bişdikdən sonra diri qalması və yapışmaması üçün vacibdir.
2. Düyünü ləyənə qoyub, üstünə örtəcək qədər ilıq su tökün. Suya 1 xörək qaşığı duz atın. Kənara qoyun.

3. Digər ərzaqları hazırlayın. Tavada 2 xörək qaşığı yağ qızdırın. Təmizlənmiş şabalıdı yağa əlavə edib təxminən 3 dəqiqə ərzində qızardın. Üstünə ərik, qavalı və xurmanı əlavə edin və 3 dəqiqə də qızardın. Kişmişi də buraya əlavə edib 1 dəqiqə qızardın. Tavanı kənara çəkin.
4. Xüsusi plov qazanına 10 stəkan su və 2 xörək qaşığı duz qoyun (məndə belə qazan olmadığından mən adi altı-yapışmayan - non-stick qazandan istifadə edirəm). Qaynadın. Düyünü süzün və bu suya əlavə edin. Təxminən 7-10 dəqiqə ərzində arada-bir qarışdıraraq bişirin. Düyünün dadına baxın -hazır düyü bir qədər yarımbişmiş qalmalıdır, yumuşaq olmamalıdır. Düyünü süzün və kənara qoyun.
5. Qazanda 1 xörək qaşığı kərə yağı əridin. Toyuq ətini qazanın dibinə bir lay düzün. Üstünə bir az duz və istiot səpin. Toyuğun üstünə bir lay halqavari doğradığınız soğanı düzün. Qazanın qapağını örtmədən, təxminən 5 dəqiqə ərzində orta odda bişirin. Bu müddət ərzində toyuq və soğanın dadı bir birinə qarışacaq, və ikisi də bir qədər yumuşalacaq.

Toyuqla Parça-Döşəmə Plov

6. Soğan layının üstünə düyünün yarısını tökün. Hazırladığınız quru meyvələri düyünün üstündən bir lay düzün. Qalan düyünü meyvələrin üstünə töküb, plova konusvari şəkil verin. Plovun üstünə 1-2 xörək qaşığı kərə yağə tökün.
7. Qazanın üstünü əvvəlcə çay dəsmalı ilə örtün, onun üstündən isə qapağını qoyun.
8. Plovu vam odda təxminən 30 dəqiqə ərzində bişirin. Sonra qapağını açıb düyünün üstünə zəfəran-şirəsi tökün.
9. Yenidən qapağı örtərək, plovu 30 dəqiqə də vam odda bişirin. Bişmiş plov dənə-dənə olmalıdır, toyuğun altı qızarmalı, soğan isə əriməlidir.

10. İri qaba düyü, üstündən isə quru meyvə və toyuq ətini düzüb plovu süfrəyə verin.

Toyuqla Parça-Döşəmə Plov


Reytinq:
    Bölmə: Mətbəx
Hörmətli ziyarətçi, siz qeydiyyat keçmədən sayta daxil olmusunuz. Saytdan daha yaxşı yararlanmaq üçün qeydiyyatdan keçin və ya istifadəçi adınızla sayta daxil olun.
Xəbər üçün yazılan şərhlər
Happy_angel   | Aktive Lady  | 23 dekabr 2012 11:38  |

dadli gorunur twk
  |   |   |   | 1
İstifadəçinin medalları və www.Missis.az-da seçdiyi şəxsi imzası:

Medal yoxdur:(

Sol Naciente   | Trend Lady  | 23 dekabr 2012 12:28  |

beh beh ne dadli gorsenir ....cox sagolun
  |   |   |   | 2
İstifadəçinin medalları və www.Missis.az-da seçdiyi şəxsi imzası:

Medal yoxdur:(

Bir qadının üzündəki ifadə üzərindəki geyimdən daha vacibdir!!!!
_Krasavica_   | First Lady  | 24 dekabr 2012 09:06  |

ela yemekdi,tesekkurler
  |   |   |   | 3
İstifadəçinin medalları və www.Missis.az-da seçdiyi şəxsi imzası:

             

aylina   | Glamour Lady  | 28 dekabr 2012 17:01  |

plovuuu hami cox sevir deye qoydum
  |   |   |   | 4
İstifadəçinin medalları və www.Missis.az-da seçdiyi şəxsi imzası:

   

_NURAY_   | Trend Lady  | 14 fevral 2013 23:55  |

etsiz dadli olur eti sevmirem axi mennnn
  |   |   |   | 5
İstifadəçinin medalları və www.Missis.az-da seçdiyi şəxsi imzası:

    

_Elka_   | Stylish  | 13 iyun 2013 17:56  |

tesekkurler
  |   |   |   | 6
İstifadəçinin medalları və www.Missis.az-da seçdiyi şəxsi imzası:

  

_Ulker_Aliyeva_   | Brilliant  | 13 iyul 2013 18:21  |

Tewekkurler
  |   |   |   | 7
İstifadəçinin medalları və www.Missis.az-da seçdiyi şəxsi imzası:

 

STeLLa BEauTIful   | Fashionable  | 18 noyabr 2013 14:23  |

yemiwem dadli olur fellow
  |   |   |   | 8
İstifadəçinin medalları və www.Missis.az-da seçdiyi şəxsi imzası:

        



İnformasiya

Guests qrupunda olanlar istifadəçilər bu xəbərə şərh əlavə edə bilməz.